१५ चैत काठमाडौँ । आज सुनको मूल्य ११०० सयले बढेर नयाँ रेकर्ड कारोवार भएको छ। नेपाल सुनचाँदी व्यवसायी महासँघका अनुसार आज बिहीबार छापावाला सुन प्रतितोला १ लाख २७ हजार ९०० रुपैयाँ र तेजाबी सुन प्रतितोला १ लाख २७ हजार ३०० रुपैयाँमा खरिदबिक्री भइरहेको छ।
बुधबार छापावाला सुन प्रतितोला १ लाख २६ हजार ८०० रुपैयाँमा खरिदबिक्री भएको थियो, भने आज बिहीबार सुन तोलामा ११०० रुपैयाँले बढेर नयाँ रेकर्ड बनाएको हो।
यसअघि चैत ८ गते सुनको भाउ प्रतितोला २७ हजार ८०० रुपैयाँ पुगेर रेकर्ड कायम गरेको थियो। बिहीबार सो रेकर्डलाई तोड्दै सुनको मूल्य नयाँ रेकर्डमा कारोवार भएको हो आज चाँदी प्रतितोला १ हजार ५१० रुपैयाँ पुगेको छ।
बुधबार चाँदी प्रतितोला १ हजार ४९० रुपैयाँमा खरिदबिक्री भएको थियो, भने चाँदी पनि आज तोलामा २० रुपैयाँले बढेर कारोवार भएको संघले जनाएको छ ।
