२२ चैत काठमाडौँ । गुल्मीमा १० वटा विद्युतीय गाडी सञ्चालनमा आएका छन् । मैत्री यातायात प्रालिलेमाइक्रो बसमार्फत सार्वजनिक यातायातको सेवा दिन सुरू गरेको हो ।
बिहीबार जिल्ला समन्वय समितिका प्रमुख द्रोणबहादुर खत्रीले यातायात सेवाको शुभारम्भ गरेका हुन् । आज देखि सञ्चालन भएको विद्युतीय गाडीबाट सिमलटारीदेखि पाल्पा, बुटवलसम्म सेवा दिन सुरू गरेको प्रालिका सञ्चालक सदस्य काशीराम पाण्डेले जानकारी दिए ।
यो विद्युतीय गाडीको मूल्य एउटाको ५६ लाख परेको छ । मैत्रीले विद्युतीय गाडीको भाडासमेत अन्यको तुलनामा कम कायम गरेको छ । प्रालिका अध्यक्ष शंकरप्रसाद गौतमले डिजेल गाडीको तुलनामा २५ प्रतिशत कम भाडा तय गरिएको बताए । मैत्री यातायात प्रालिले गुल्मीको तम्घास, रिडीमा चार्जिङ स्टेशनसमेत निर्माण गरेको छ ।
