२३ चैत काठमाडौँ । गायक राजेश पायल राईले श्रीमती साङबुङ राईसँग सम्बन्धविच्छेद गरेका छन् । उनीहरूले सम्बन्धविच्छेद काठमाडौं जिल्ला अदालतबाट गरेका हुन् ।
राजेशले साङबुङलाई सम्बन्धविच्छेद गर्ने क्रममा काठमाडौंको नक्सालमा रहेको करिब पाँच करोड रुपैयाँ मूल्य पर्ने तीनतल्ले घर र पचास लाख रुपैयाँ नगद दिएका छन् भने भविष्यमा पनि थप एक करोड रुपैयाँ दिने सम्झौता पनि गरेका छन् ।
काठमाडौंमा रहेको एउटा घडेरी पनि साङबुङलाई दिने सम्झौता गरिएको बताइएको छ । राजेशले यो सबै गर्दा श्रीमती साङबुङ राईलाइ अनुमानीत लगभग ६ करोड भन्दा बढीको सम्पत्ति दिने सम्झौता भएको छ ।
गत वर्ष मात्रै काठमाडौं महानगरपालिका–३१ बाट विवाह दर्ता प्रमाणपत्र लिएका थिए । उनीहरूको सम्बन्धविच्छेद पछि एउटा दुई वर्षको छोरा आमासँग बस्नेछन् भने राजेशले छोराको पढाइको खर्च साथै भरणपोषणका लागि छुट्टै मासिक १५ हजार रूपैयाँ साङबुङलाई उपलब्ध गराउने छन् ।
