२३ चैत काठमाडौँ । गोरखामा फेला परेको ‘क्वार्ज क्रिष्टल’ आज गोरखा दरर्बारमा स्थापना गर्न लागिएको छ ।आ तेही क्वार्ज क्रिष्टल स्थानप गर्न प्रधानमन्त्री पुष्पकमल दाहाल ‘प्रचण्ड’ गोरखा गउको हुन् ।
प्रधानमन्त्री प्रचण्ड नेपाली सेनाको हेलिकप्टर मार्फत ११ बजे राजधानी काठमाडौंबाट गोरखाका लागि प्रस्थान गर्ने र गोरखा दरर्बारमा ११ः३० बजे ‘क्वार्ज क्रिष्टल’ स्थापना गर्ने कार्यक्रम तय भएको प्रमुख जिल्ला अधिकारी भोला दाहालले जानकारी दिए । उनका अनुसार प्रधानमन्त्री प्रचण्ड गोरखा बजारको रानीपोखरी क्षेत्रमा रहेको सेनाको हेलीप्याडबाट गोरखा दरर्बारसम्म गाडीमा जाने र दरर्बारमा ‘क्वार्ज क्रिष्टल’ स्थापना गर्ने कार्यक्रम रहेको छ ।
बहुचर्चित क्वार्ज क्रिष्टल गोरखा दरबार भित्रको तात्कालिन राजा पृथ्वीनारायण शाहको राज गद्दी भएको ठाउँमा प्रतिस्थापना गर्न लागिएको हो । केही महिना अगाडी गोरखा नगरपालिका–७ सतिपिपलका राममाया शाहीको घरबाट क्वार्ज क्रिष्टल बरामद गरी जिल्ला प्रहरी कार्यालय गोरखाको एउटा कोठामा राखिएको थियो । सुरक्षामा नेपाल प्रहरी, सशस्त्र प्रहरी र नेपाली सेना खटिएका छन् ।
