२३ चैत काठमाडौँ । नेपाल आइडल सिजन-२ विजेता रवि वडविरुद्ध पक्राउ पुर्जी जारी भएको छ। गायक वडकी श्रीमतीले वैवाहिक बलात्कारको आरोपमा प्रहरी सामु जाहेरी दिएपछि जिल्ला अदालत कन्चनपुरले पक्राउ पुर्जी जारी गरेको कन्चनपुर प्रहरी प्रमुख एसपी चक्रराज जोशीले बताए ।
उनीमाथि उजुरी परेसँगै प्रहरीले यसअघि नै आवश्यक तयारी गरेको थियो।जाहेरी परेसँगै प्रक्रियाअनुसार नै बुधबार पक्राउ पुर्जी जारी भएको छ । रविकी श्रीमतीले चैत २० गते इलाका प्रहरी कार्यालय झलारी कन्चपुरमा जाहेरी दिएकी थिइन्।
उजुरी परे पछि प्रहरीले वड काठमाडौँमा भएको सूचनाका आधारमा आवश्यक समन्वय गरिदिन काठमाडौँ प्रहरीलाई खबर गरिएको जोशीले जानकारी दिए।
