२७ चैत काठमाडौँ । गोरखा जिल्लामा आजबाट प्रथम अन्तरपालिका स्तरीय पुरुष तथा महिला भलिबल प्रतियोगिता सुरु हुँदै छ । प्रतियोगिताको आयोजना जिल्ला भलिबल संघ गोरखाले पहिलो पटक अन्तरपालिका स्तरीय पुरुष तथा महिला भलिबल प्रतियोगिताको आयोजना गर्न लागेको हो । प्रतियोगिता, ‘स्वास्थ्यका लागि खेलकुद राष्ट्रका लागि खेलकुद’ भन्ने मूल नाराकासाथ हरमटारी खेलमैदानमा संचालन हुने संघले जनाएको छ । प्रतियोगिताको उद्घाटन दिउँसो १ बजे राष्ट्रिय खेलकुदका परीषद्का सदस्य सचिब टंकलाल घिसिङद्वारा हुने जिल्ला भलिबल संघ गोरखाका अध्यक्ष कृष्ण गुरुङले जानकारी दिए ।
चार दिनसम्म चल्ने प्रतियोगितामा पुरुषतर्फ उत्तरी गोरखाको चुमनुब्री बाहेक अन्य १० पालिकाबाट १० वटा टिमका सहभागिता रहने संघको भनाई छ । यसैगरी महिला तर्फको प्रतियोगितामा चुमनुब्री गाउँपालिका, सिरानचोक गाउँपालिका र गण्डकी गाउँपालिका बाहेक अन्य ८ पालिकाले सहभागिता जनाउने संघले बताएको छ ।आज बिहान ७ बजेबाट प्रतियोगिता सुरु हुने छ । प्रतियोगिताको पहिलो दिन आज पुरुषतर्फ ६ खेल तथा महिलातर्फ ४ वटा खेलहरु हुँदैछन् ।प्रतियोगितामा सहभागी हुनको लागि १० हजार रुपैयाँ टीम दर्ता शुल्क राखिएकोे छ ।
पुरुष तथा महिला तर्फका प्रथम हुने टिमलाइ नगद रू ७० हजारसहित ट्रफी, मेडल र प्रमाणपत्र ,द्वितीय हुने टिमलाइ नगद रू रु ४० हजारसहित ट्रफी, मेडल र प्रमाणपत्र ,तृतीय हुने टिमलाइ नगद रु २५ हजारसहित ट्रफी, मेडल र प्रमाणपत्र, र सान्त्वना हुने स्थानीय तहले क्रमश र १५ हजार नगदकोसाथमा ट्रफी, मेडल र प्रमाणपत्र प्राप्त गर्नेछन् ।
प्रतियोगिताका सर्वोकृष्ट खेलाडीले ५ हजार, उत्कृष्ट ब्लकरले २ हजार, उत्कृष्ट स्पाईकरले २ हजार प्राप्त गर्नेर उत्कृष्ट डिफेन्डरले २ हजार, उत्कृष्ट सर्भर २ हजार , उत्कृष्ट प्रशिक्षक २ हजार, उत्कृष्टसेटर २ हजार र उत्कृष्ट खेलाडीले जनही रु २/२ हजार प्राप्त गर्ने जिल्ला भलिबल संघले जनाएको छ ।
