२७ चैत काठमाडौँ । भारतको उत्तराखण्डको नैनिताल जिल्लामा हिजो गाडी दुर्घटना हुँदा ७ जना नेपालीसहित ८ जनाको मृत्यु भएको छ।
दुर्घटना नैनितालको बेतालघाट नजिकै गाडी सडकबाट १५० मिटर तल खसेको खबर प्राप्त भएपछि स्टेट डिजास्टर रेस्पोन्स टिम एसडिआरएफको टोली घटनास्थलमा पुगेर उद्धारका लागि खटिएको थियो। दुर्घटनामा ज्यान गुमाउनेमा ५० वर्षीय शिवराम चौधरी, ४० वर्षीय अनन्तराम चौधरी, ३८ वर्षीय विनोद चौधरी, ५५ वर्षीय उदयराम चौधरी, ४५ वर्षीय तिलक चौधरी, ६० वर्षीय गोपाल र ४५ वर्षीय धिरज रहेका छन्।
सोमबार राति १० बजे नेपाली श्रमिक घर फर्किंदै गर्दा दुर्घटनामा परेका हुन्।जिप खसेको थाहा पाए पछि घटनाबारे स्थानीयले प्रहरीलाई खबर गरेका हुन् ।
