२८ चैत काठमाडौँ । गोरखा जिल्लाका भलिबलका अन्तर्राष्ट्रिय रेफ्री र खेलाडीहरु सम्मानित भएका छन् । हिजो मंगलबार देखि सुरु भएको गोरखा जिल्ला भलिबल संघ गोरखाको आयोजनामा भएको प्रथम गोरखा जिल्ला अन्तरपालिका स्तरिय पुरुष तथा महिला भलिबल प्रतियोगिताको उद्घाटनका अवसरमा रेफ्री र खेलाडी सम्मानित गरिएको हो ।
एभिसी रेफ्री विकास गुरुङ र अन्तर्राष्ट्रिय भलिबल खेलाडी त्रिभुवन आर्मी क्लबका धनबहादुर भट्ट, रामचन्द्र कुमाल,दीपबहादुर खड्कालाई जिल्ला भलिबल संघ गोरखाले एक कार्यक्रमबिच सम्मान गरेको थियो ।
उक्त रेफ्री र खेलाडीलाई खेलकुद परिषद्का सदस्य सचिव टंकलाल घिसिङले रेफ्री र खेलाडीलाई दोसोला ओडाएर सम्मानपत्र दिएर सम्मान गरेका हुन् । सो अवसरमा नेपाल ओलम्पियन्स संघका अध्यक्ष दीपक विष्टको पनि उपस्थिति रहेको थियो ।
