११ वैशाख काठमाडौँ । जिल्ला बारामा प्रहरीले बोकेको एक पेस्तोल हराएको छ । इलाका प्रहरी कार्यालय अमलेखगञ्जमा कार्यरत वरिष्ठ सई पूर्ण बिसीले बोकेको पेस्तोल हराएको जिल्ला प्रहरी कार्यालय बारा पुष्टि गरेको हो ।
उनीहरु सोमबार राति लागुऔषधको अपरेसनमा गएको र सो क्रममा लागुऔषध गाँजासहित केही व्यक्ति समेत पक्राउ गरी अपरेसनकै क्रममा पेस्तोल हराएको बारा प्रहरीले जनाएको छ ।
वरिष्ठ सई बिसीले बोकेको १० राउण्ड गोली लोड भएको अटोमेटिक पेस्तोल हराएको हो । घटनाबारे बारा प्रहरीले अनुसन्धान अघि बढाएको छ ।
