१३ वैशाख काठमाडाैँ । रोल्पाको सदरमुकामबाट दाङको घोराही तर्फ आउँदै गरेको टाटा सुमो गाडी दुर्घटनामा परेको छ।उक्त घटना सुनिलस्मृती गाउँपालिका वडा न ४ प्रवेश नगर छिर्नेमा लु १ ज ४९२३ नम्बरको टाटा सुमो गाडी दुर्घटना भएको हो ।
आज दिउँसो दाङको घोराही तर्फ आउँदै गर्दा टाटा सुमोको ब्रेक फेल भएर नालामा खसेर दुर्घटना भएको छ । यस घटनामा मानवीय क्षती भने भएको छैन् ।
दुर्घटना भएको टाटा सुमो गाडी तस्बिर : राजु लामा
गाडीमा ड्राइभर सहित ९ जना सवार रहेका थिए । गाडीमा सवार ९ जना नै सकुशल रहेको प्रहरीले जानकारी दिएको छ । टाटा सुमोको केही भागमा क्षती पुगेको प्रहरीले बताए ।
