१७ वैशाख काठमाडौँ । जिल्ला बाँकेमा आफैले बनाएको घरेलु हतियार पड्केर एक जना घाइते भएका छन् ।गयराती बाँके राप्तिसोनारी वडा न —५ चाचरफर्काका १६ बर्षिय सचिन थारु आफैले बनाएको हतियार पड्केर घाइते भएका हुन्।
घाइतेले युट्युव हरेर काठ र फलामको घरेलु कटुवा पेस्तोल बनाई आफ्नै पाईन्ट पछाडिको गोजीमा राखेको र गोजीबाट निकाल्ने क्रममा पड्केर घाइते भएको प्रहरीले जनाएको छ । थारुको दाहिने खुट्टाको पछाडीको हिपमा छर्रा लागेर घाईते भएको बाँके प्रहरी प्रवक्ता डीएसपी नारायण डाँगीले बताए ।
मध्यराती घाइते भएका थारुलाई इलाका प्रहरी कार्यालय बैजापुरले उपचारको लागि मेडिकल कलेज नेपालगन्ज पठाएको र हाल प्रहरीको निगरानीमा उपचार भइरहेको डाँगीले बताए ।
