१८ वैशाख काठमाडौँ । गोरखा जिल्लाको नेकपा माओवादी केन्द्रको संयोजकमा छमबहादुर गुरुङ नियुक्ती भएका छन् । केही दिन अघि गण्डकी प्रदेश कमिटी कार्यालयमा बसेको बैठकले गोरखा जिल्ला समन्वय समितिको संयोजकमा गुरुङलाई नियुक्ती गरेको हो ।
अहिले संयोजकमा नियुक्ती भएका गुरुङ उत्तरी गोरखाको धार्चे गाउँपालिका वडा न ५ गुम्दा स्थायी घर भएका गुरुङ यो भन्दा अगाडी संविधान सभा सदस्य तथा पूर्व सहरी विकास राज्यमन्त्री भएको थिए ।
नेकपा माओवादी केन्द्रको गोरखा जिल्लाको संयोजक गण्डकी गाउँपालिकाका अध्यक्ष दीपक तिमिल्सिना साकार थिए, भने गुरुङ उक्त समितिका सचिवको जिम्मेवारी पाएका थिए ।छमबहादुर गुरुङले यसअघि गोरखाको विशेष क्षेत्र इन्चार्ज तथा क्षेत्र नं। १ को इन्चार्जका रुपमा पनि काम गरिसकेका छन् ।
