२१ वैशाख काठमाडौँ । गोरखाको बारपाकमा अन्तर्राष्ट्रिय संस्था लायन्स क्लबको डिष्ट्रिक ३२५ आईको क्याविनेट बैठक हुने भएको छ । लायन्स क्लव अफ गोरखा दरौँदी र लायन्स क्लव अफ गोरखा दरबारको समन्वयमा बैशाख २२ गते डिस्ट्रिक्ट ३२५ आईले चौथो क्याबिनेट बैठकको आयोजना गरेको बिहिबार पत्रकार भेटघाट गरी जानकारी गराएको हो ।
लायन्सको क्याविनेट बैठकमा २० जिल्लाहरुबाट करिब ४ सय जनाको सहभागिता रहने लायन्स क्लव अफ गोरखा दरौँदीका विकास थापाले जानकारी दिए ।
बारपाकमा हुने क्याबिनेट बैठकको पूर्वसन्ध्यामा प्रभातफेरि आयोजना हुनेछ भने विभिन्न स्थानीय सांस्कृतिक कार्यक्रमहरु पनि हुने क्लवले जनाएको छ । बैठकको उद्घाटना कार्यक्रम दिन विभिन्न महत्वपूर्ण विषयमा छलफल र अन्तरक्लब लायन नेतृत्वहरु बीच भेटघाट कार्यक्रम हुने समेत बताए ।
