१ जेठ काठमाडौँ । काठमाडौँ सुकेधाराको रोयल मार्बल नजिकैको सडकको नालामा एक पुरुषको शव फेला परेको छ ।
काठमाडौँ महानगरपालिका–४ सुकेधारास्थित नालीमा खोटाङको हलेसी तुवाचुङ नगरपालिका ७ घर भई हाल काठमाडौँ महानगरपालिका वडा न ७ चाबहिल बस्दै आएका ४४ वर्षीय भीषण गिरीको शव फेला परेको प्रहरीले बताए ।
उक्त शव नालामा घोप्टो परेको अवस्थामा भेटीएको जिल्ला प्रहरी परिसर काठमाडौँका प्रवक्ता, प्रहरी उपरीक्षक नवराज अधिकारीले जानकारी दिए ।
प्रवक्ता अधिकारीका अनुसार गिरीको शव परीक्षणका लागि त्रिभुवन विश्वविद्यालय शिक्षण अस्पताल लगिएको छ । उक्त घटनाको थप अनुसन्धान भई रहेको थप विवरण आउन बाकी रहेको प्रहरीले बताए ।
