३ जेठ काठमाडौँ । सिरहामा कोदालो प्रहार गरी एक जनाको हत्या भएको छ ।सिरहाको अर्नमा गाउँपालिका–२ ब्रहमपुरीका जग्गा विवादमा ५३ वर्षीय बुधराम महतोको कोदालो प्रहार गरी हत्या भएको हो ।बुधराम खेतमा खर लिन ट्याक्टर लिएर खेतमा पुगेका बेला बिहीबर बिहान ८ २० बजे स्थानीय बचाई महतोले कोदालो प्रहार गरेको
प्रहरीले जनाएको छ ।
उनको घटनास्थलमै मृत्यु भएको सिरहाका प्रहरी प्रवक्ता डीएसपी मुक्तिनाथ सापकोटाले जानकारी दिए ।बचाई महतो फरार भएका छन् । प्रहरीका अनुसार मृतक बुधराम र बचाईबीच लामोसमयदेखि खेतको साँधसिमानाको विवाद थियो ।
सोही क्रममा बचाईले बुधराममाथि कोदालो प्रहार गरेपछि उनको मृत्यु भएको प्रत्यक्षदर्शीले प्रहरीलाई बताएका छन् । शव परीक्षणको लागि प्रादेशिक अस्पताल सिरहा लगिएको प्रहरीले जनाकारी दिए । उक्त घटना बारे थप अनुसन्धान भइरहेको जिल्ला प्रहरी कार्यालय सिरहाले जनाएको छ ।
