३ जेठ काठमाडौँ । प्रतिनिधि सभाको राज्य व्यवस्था तथा सुशासन समितिका सभापति रामहरि खतिवडाले महिला कानुन र विकास मञ्चले बिहीबार राजधानीमा गरेको कार्यक्रमलाई समबोधन गर्दै खतिवडाले नागरिकता वितरणमा सरल व्यवस्था गर्न नहुने बताएका छन् ।
विश्वकै सबैभन्दा धेरै जनसङ्ख्या भएका दुईवटा देशको बीचमा रहेको मुलुकमा हामीले नागरिकता जारी गर्नमा सहजीकरण, धेरै सरलतामा लग्यौँ भने त्यसको प्रभाव के पर्छ त्यो पनि हेर्न जरुरी भएको बताए । नागरिकता वितरणमा सरलता अपनाउँदा नेपालमै समस्या देखिएको खतिवडाले बताए ।
कोही पनि नेपाली नागरिकताबाट वञ्चित हुन नहुने उल्लेख गरेका थिए । बाहिरियाहरुलाई पनि सरलताका साथ नागरिकता जहाँ पायो त्यहीँ एकदम छयासछ्यास्ती पाइन्छ भन्ने वातावरण सिर्जना नहोस् भनेर सरकार सजग हुनु पर्ने जनाए ।
