७ जेठ काठमाडौँ । अब मुगुमा पनि नेपाल टेलिकमको एनटी फाइबर सेवा सुरु हुने भएको छ । नेपाल टेलिकमले मुगु जिल्लाको गमगढीमा फाइबर टु द होम (एफटीटीएच) सेवाको शुभारम्भ गरेको हो। सञ्चार तथा सूचना प्रविधि मन्त्री माननीय रेखा शर्माले भर्चुअल रुपमा सो सेवाको शुभारम्भ गर्नुभयो ।
सो अवसरमा मुगु जिल्लाबाट प्रतिनिधित्व गर्नु हुने प्रतिनिधि सभा सदस्य ऐन बहादुर शाही, नेपाल टेलिकम, सञ्चालक समितिका अध्यक्ष एवम् मन्त्रालयका सचिव रामकृष्ण सुवेदी, नेपाल टेलिकमकी प्रबन्ध निर्देशक संगीता पहाडी (अर्याल) र मन्त्रालय तथा कम्पनी एवम् जिल्लास्थित विभिन्न कार्यालयका पदाधिकारी तथा उच्च पदस्थ अधिकृतहरुको सहभागिता रहेको थियो । यससँगै नेपाल टेलिकमको एफटीटीएच सेवा पुगेको जिल्लाको संख्या ७६ पुगेको छ ।
