८ जेठ काठमाडोँ । आज कुरिनटारमा ट्रकले माइक्रो बसलाई ठक्कर दिँदा १३ जना यात्रु घाइते भएका छन् । यस दुर्घटना कुरिनटारबाट मुग्लिन जाँदै गरेको माइक्रोलाई आज बिहान ट्रकले ठक्कर दिएको हो । दुर्घटना परी केही यात्रुहरु गम्भीर घाइते भएका छन् ।
दुर्घटनामा गम्भीर घाइते भएका यात्रुहरुलाई उद्वार गरि चितवनको पुरानो मेडिकल कलेजमा र सामान्य घाइतेहरुलाई कुरिनटारकैसामुदायि अस्पतालमा उपचारका लागि लगिएको इलाका प्रहरी कार्यालय मुग्लिनका प्रहरी निरीक्षक निरला भण्डारीले जानकारी दिइन् ।
प्रहरीले दुर्घटनाका ट्रक चालकलाई नियन्त्रणमा लिएको छ । उनीहरु शकुस रहेका छन् । माइक्रोबस ‘ओभरटेक’ गर्ने क्रममा ट्रकसँग ठोक्किएर दुर्घटना भएको हो। दुर्घटनापछि केहीबेर अवरुद्ध भएको राजमार्ग खुलेको छ। घटना बारे थप अनुसन्धान भई रहेको प्रहरीले बताए ।
