८ जेठ काठमाडौँ । प्रधानमन्त्री पुष्पकमल दाहाल ‘प्रचण्ड’सहित मन्त्रिपरिषद्का सदस्यहरूको सम्पत्ति विवरण सार्वजनिक भएको छ । सम्पत्ति विवरण अनुसार प्रधानमन्त्री ‘प्रचण्ड’को भरतपुर महानगरपालिका-१४ मा १४ कठ्ठा पार्किङको जग्गासहित घर छ ।
स्वर्गीय धर्मपत्नी सीता दाहालको नाममा रहेको यो घर र जग्गा पैतृक सम्पत्ति भएको सम्पत्ति विवरणमा उल्लेख छ ।प्रधानमन्त्रीसँग ५ तोला सुन छ, यो पनि पैतृक र प्रचण्डले नाममा एभरेष्ट बैंकमा २५ लाख रुपैयाँ नगद मौज्दात रहेको सम्पत्ति विवरणमा उल्लेख गरेका छन् ।
विवरण अनुसार प्रधानमन्त्रीको नाममा कुनै पनि पशु धन, ऋण र सवारी साधन छैन । बिहीबारको मन्त्रिपरिषद् बैठकले प्रधानमन्त्री सम्पत्ति विवरण सार्वजनिक गर्ने निर्णय गरेको थियो ।
