११ जेठ काठमाडौँ । गोरखाको बारपाक सुलिकोट गाउँपालिकामा वडा नम्वर ७ को पाँचखुवा देउरालीस्थित शैलुपुत्री माविमा मुटु रोग तथा हाडजोर्नीको निशुल्क स्वास्थ्य शिविर सम्पन्न भएको छ ।
तस्विर : कृष्ण गुरुङ
एक दिन शिविर सञ्चालनमा शिविरबाट चार सय ३७ जना लाभान्वित भएका हुन् । उक्त शिविर रोटरी क्लब अफ बज्र मनासलुको अर्याल मेडिकल हल तथा बिज्ञान पोलिक्लिनिक गोरखाको को प्राबिधिक सहयोगमा शिविर भएको हो ।
तस्विर : कृष्ण गुरुङ
हिजो भएको एक दिने स्वास्थ्य शिविर गाउँपालिका वडा नम्वर ७ पाँचखुवा देउरालीस्थित शैलुपुत्री माविमा भएको शिविरमा ४३७ जनाले सेवा लिएका वडा न ७ का वडा अध्यक्ष कुष्ण गुरुङ्गले बताउनु भयो । वडा अध्यक्ष गुरुङ्गका अनुसार निशुल्क स्वास्थ्य , शिविरमा ४३७ जना मध्ये ५१ जनाको मुटुको इको जाँच, १०५ जनाको भिडियो एक्सरे, ५५ जनाको मुटुको इसिजि र ३१ जनालाई ल्याव सेवा प्रदान गरिएको उहाँले बताउनु भयो ।
