११ जेठ काठमाडौँ । त्रिभुवन अन्तर्राष्ट्रिय विमानस्थल धावनमार्गमा खाल्डा परेपछि ४५ मिनेटको लागि आन्तरिक र अन्तर्राष्ट्रिय सबै उडान बन्द गरिएको छ।त्रिभुवन यस विमानस्थलमा रहेको धानवमार्गको ०२ कोटेश्वरपट्टि भागमा सानो आकारको खाल्डो परेपछि उडान अवतरण सबै बन्द गरिएको विमानस्थलका प्रवक्ता सुवास झाले बताए ।
उडान सुरक्षाका लागि सबै उडान अवतरण बन्द गरि अहिले खाल्डो पुर्ने गर्ने काम भइरहेकोले ४५ मिनेट सबै उडान अवतरण रोकेका उनले जानकारी दिए ।खाल्डो परेको भाग धावनमार्गको लगभग बीचमा छ र अन्तर्राष्ट्रिय उडान अवतरण त गर्नै मिल्दैन ।
आन्तरिक उडान चाहिँ गर्न सकिन्छ । तर, सुरक्षाका कारण सबै उडान अवतरण रोकिएको बताए । अन्तर्राष्ट्रिय उडान थाइल्यान्डको थाई एयरवेज, मेलसिया एयरलाइन्स आन्तरिकतर्फ बुद्ध एयर, यती एयरलाइन्स, श्री एयरलाइन्स लगायत पनि होल्डमा राखिएको छ ।
