१४ जेठ काठमाडौँ । किक्रेटर सन्दीप लामिछाने मेरो सपना पूरा नभए पनि देशको सपना पूरा भएकोमा खुशी छु भने बताए ।नेपालले टी २० विश्वकप खेल्ने तयारी गरिरहँदा स्पिनर सन्दीप लामिछाने भने भिसाको समस्याले गर्दा जान पाएका छैनन् ।
अमेरिकी दूतावासले उनलाई भिसा दिन इन्कार गरिरहेको छ ।
पहिलो पटक विश्वकप खेल्ने सपना देखिरहेका सन्दीप बिस्तारै निराश बन्न थालेका छन् । आज एक स्ट्याटस लेख्दै उनले आफ्नो सपना अधुरो रहन सक्ने संकेत गरेका छन् ।
