१५ जेठ काठमाडौँ । गोरखा अजिरकोट गाउँपालिकाका एक युवकको टिप्परको ठक्करबाट मृत्यु भएको छ ।आज मंगलबार बिहान ५ बजे काठमाण्डौँको स्वयम्भु नजिकै टिप्परले ठक्कर दिँदा अजिरकोट गाउँपालिका वडा नं ५ सौराका ३१ वर्षीय बिकास नेपालीको मृत्यु भएको प्रहरीले जनाएको छ ।
नेपाली सवार साइकललाई बा ५ ख १५७१ नंम्बरको टिप्परले ठक्कर दिँदा उनको घटनास्थलमै मृत्यु भएको जिल्ला प्रहरी कार्यालय काठमाण्डौँका प्रहरी नायव उपरीक्षक नवराज अधिकारीले बताए ।
मृतक नेपालीको बिहान दुध बेच्न जाने क्रममा दुर्घटनामा परि मृत्यु भएको बताइएको छ । टिप्पर र चालकलाई नियन्त्रणमा लिई घटनाबारे थप अनुसन्धान भईरहेको प्रहरीले जनाएको छ ।
