१६ जेठ काठमाडौँ । छैठौँ राष्ट्रिय महिला अधिकार दिवस मनाइएको छ ।उनीहरुको ‘हाम्रो अभियान ‘ आत्मनिर्भर छोरीको सम्मान’ भन्ने नाराका साथ विभिन्न कार्यक्रम गरी मनाउने भएको हो ।
वि.सं.२०६३ साल जेठ १६ गते तत्कालिन पुन स्थापित प्रतिनिधिसभाबाट नेपाली महिलाका अधिकारसम्बन्धी महत्त्वपूर्ण चार वटा विशेष प्रस्तावहरू पारित भएको दिनको स्मरण गर्दै वर्षेनि जेठ १६ गते यो दिवस मनाउने गरिएको छ ।
दिवसको सन्दर्भमा बुधबार राष्ट्रिय महिला आयोग, महिला तथा बालबालिका मन्त्रालय र अन्य विभिन्न महिला अधिकारवादी संघसंस्थाहरूको आयोजनामा विभिन्न कार्यक्रम हुँदैछन् । दिवसकै सन्दर्भ पारेर बुधबारदेखि नेकपा एमालेले काठमाडौंमा महिला भेला आयोजना गरेको छ ।
दिवसको सन्दर्भमा राष्ट्रपति रामचन्द्र पौडेलले महिला अधिकारलाई सुनिश्चितता प्रदान गर्दै लैङ्गिक समानता कायम गर्न विगतमा भएका राष्ट्रिय तथा अन्तर्राष्ट्रिय प्रयासहरूलाई यस दिवसले अझ सम्मान र पहिचानका साथ थप ऊर्जा प्रदान गर्ने बताएका छन् ।
