१७ जेठ काठमाडौँ । अत्यधिक गर्मी बढेपछि पश्चिम नवलपरासीका चार वटा स्थानीय तहले विद्यालय बिदा गरेका छन् ।जिल्लाको सदरमुकाम रामग्राम, बर्दघाट नगरपालिका, सरावल गाउँपालिका र प्रतापपुर गाउँपालिकाले बालबालिकाको स्वास्थ्यलाई मध्यनजर गर्दै बिदा दिएका हुन् ।
रामग्राम र बर्दघाट नगरपालिकाले जेठ १७ र १८ गते र प्रतापपुर गाउँपालिकाले जेठ १६, १७ र १८ तीन दिनका लागि बिदा दिएको गाउँपालिका अध्यक्ष उमेशचन्द्र यादवले बताए ।
दिउँसोको समयमा बाहिर हिँडडुल गर्न कठिनाइ हुने र केही विद्यालयमा जस्तापाताको छाना भएकाले अत्यधिक गर्मी हुने कारणले बिदा गरिएको गाउँपालिकाले जनाएको छ ।
