२१ जेठ काठमाडौँ । चलचित्र निर्देशक तथा कलाकार सुदर्शन थापा रकम ठगीको आरोपमा पक्राउ परेका छन् । थापालाई आज काठमाडौंको कमलपोखरी क्षेत्रबाट पक्राउ गरिएको काठमाडौँ प्रहरीले जनाएको छ ।
आपराधिक विश्वासघात गरेको आरोपमा निर्माता सुदर्शन बस्नेतले थापाविरुद्ध प्रहरीमा जाहेरी दिएका थिए ।
आफूहरूको मन्जुरीबिना चलचित्र ‘प्रसाद–२’ लाई प्रदर्शन गरेर डेढ करोड रुपैयाँ ठगी गरेको भन्दै निर्माता बस्नेतले बौद्ध प्रहरीमा उजुरी दिएका थिए । पक्राउ परेका थापा चलचित्र ‘प्रसाद–२ निर्देशक हुन् ।
