२२ जेठ काठमाडौँ । गोरखाको गोरखा नगरपालिका बसपार्कमा पनि नि शुल्क टी–ट्वान्टी विश्वकप क्रिकेट खेलको प्रत्यक्ष प्रदर्शन हुने भएको छ । यस विश्वकप खेल अमेरिकाको डालसस्थित ग्राण्ड प्रेरी रङ्गशालामा हुने उक्त खेलमा नेपालले विजयी लक्ष्य हासिल गर्ने उद्देश्यका साथ मैदानमा उत्रँदैछ ।
यस खेलको प्रत्यक्ष प्रसारण गोरखा नगरपालिका नयाँबसपार्क टोल विकास संस्थाको समन्वयमा पुरुष आइसीसी टी २० विश्वकप २०२४ को क्रिकेट प्रतियोगितामा नेपाली खेलाडीहरूको समेत सहभागीता रहेकोले गोरखा नगरपालिका वडा न ६,पुरानो बसपार्कमा रहेको डिजिटल बोर्डबाट आज नेपाल र नेदरल्याण्डको क्रिकेट खेलको प्रत्यक्ष प्रसारण गर्ने व्यवस्था मिलाएको छ।
गोरखा संग्रालय परिषर भित्र रहेको डिजिटल बार्डमा नेपाल र नेदरल्याण्ड बिचको खेल देखाउन लागिएको हो । यसकम लागि सुरक्षा ब्यवस्थाको लागि जिल्ला प्रशासन मार्फत सुरक्षा प्रवन्धका लागि पत्राचार समेत भई सकेको छ ।नेपाली समयानुसार राति ९ः३० बजे हुने खेल सर्व साधारणहरुको लागि समेत सजिलो हुने भएकोले यस्तो गरिएको हो ।
