२४ जेठ काठमाडौँ । काठमाडौं महानगरपालिका वडा ७ को आयोजनामा दोश्रो वडा अध्यक्ष कप अन्तरविद्यालय फुटबल प्रतियोगिता जेठ २८ गतेदेखि सुरु हुने भएको छ ।
२८ गते देखि हुने प्रतियोगितामा १६ छात्र टिमको सहभागिता रहने प्रतियोगिता संयोजक अजब श्रेष्ठले जनाएका छन् । विजेताले नगद रु २० हजार र उपविजेताले नगद रु १० हजार रुपैयाँ पुरस्कार प्राप्त गर्ने छन् ।
यस वडाले गर्ने लागेको प्रतियोगितामा खेलमा उत्कृष्ट खेलाडी, गोलरक्षक, डिफेन्डर र स्ट्राइकरलाई ट्रफी प्रदान गरिने छ ।नकआउट आधारमा हुने प्रतियोगिताका खेलहरु चन्द्रविनायक पार्क, चावहिल मैदानमा हुनेछ ।
चावहिल स्पोर्ट्स क्लबको प्राविधिक सहयोगमा हुने प्रतियोगिताको फाइनल जेठ ३२ गते हुनेछ । पहिलो संस्करणको उपाधि नोब्सले विद्यालयले जिते हात पारेको थियो ।
