१२ असार काठमाडौँ । गोरखाको ताकुकोटमा रहेको एक विद्यालयमा ४० जना विधार्थीहरुलाई झोला वितरण गरिएको छ । बारपाक सुलिकोट गाउँपालिका वडा न ६ को कोटथोकमा रहेको श्री माईकोट माध्यामिक विद्यालयका विधार्थीहरुलाई झोला वितरण गरिएको हो ।
शिक्षक शिमा बरामले बिधार्थीहरुलाई झोला हस्तन्तरण गर्दै । तस्विर : शिमा बराम
भक्तपुर निवासी सिताराम न्यौपानेले आज बुधबार औपचारिक कार्यक्रममा यस श्री माइकोट माध्यामिक विद्यालयका कक्षा १ देखि कक्षा १० सम्म अध्यरत विधार्थीहरुलाई विद्यालयको एक शिक्षकबाट झोला हस्तन्तरण गरिएको विद्यालयका शिक्षक शिमा बरामले जानकारी दिनु भयो । भक्तपुर निवासी सिताराम न्यौपानेले आफ्नै खर्चमा विद्यालयका विधार्थीहरु ४० वटा झोला उपलब्ध गराउनु भएको हो ।
तस्विर : शिमा बराम
सहयोगी न्यौपानेले यस विद्यालयलाई २०७३ साल देखि निरन्तर रुपमा यस विद्यालयमा अध्यनरत विद्यार्थीहरु लाई झोला ड्रेस स्टेशनरी सामान सहयोग गर्दै आउनु विद्यालयले जनाएको छ । सामुदायिक विद्यालयका विद्यार्थीलाई झोला अभावमा कापीकिताब बोक्न समस्या भएकाले थोरै भए पनि सहयोग होस् भन्ने उद्देश्यका साथ झोला वितरण गरिएको हो ।
तस्विर : शिमा बराम
सहयोगी न्यौपानेले वितरण गरेको झोलामा विद्यालयको लोगो सहित पिन्ट गरेर यस वर्ष ४० जना विद्यार्थीको लागि विद्यालय झोला सहयोग गर्नुभएको विद्यालयको एक शिक्षकले बताउनु भयो । यस झोला वितरण कार्यक्रममा विद्यालयका सबै शिक्षक शिक्षिकाहरु उपस्थितिमा झोला वितरण गरिएको हो ।
बिधार्थीहरुलाई झोला हस्तन्तरण पछि लिएको फोटो । तस्विर : शिमा बराम
