१९ असार काठमाडौँ । पोरखामा एनएमबी बैंकको एटीएम फुटाउन खोज्ने एक युवा पक्राउ परेका छन् । एटीएम पोखरा महानगरपालिका वडा न ५ जिरो किलोमा रहेको एनएमबी बैंकको एटीएम फुटाउन खोज्ने व्यक्ति प्रहरीले पक्राउ गरेको हो ।
उक्त घटनामा पक्राउ पर्नेमा धादिङको सिद्धलेक गाउँपालिका वडा न ३ का २३ वर्षीय रुपेश नेपाली रहेको प्रहरी अनुसन्धानले खुलाएको छ । नेपालीले मंगलबार दिउँसो साढे २ बजेको समयमा जिरो किलोस्थित एनएमबी बैंकको एटीएम मेसिन फुटाएर रकम चोर्न खोजेका थिए ।
तर रकम चोरी गर्न नपाउँदै प्रहरीले उनलाई पक्राउ गरेको हो ।पक्राउ परेका नेपालीविरुद्ध कास्की जिल्ला अदालतबाट चोरीको उद्योगमा ७ दिनको म्याद लिएर अनुसन्धान अघि बढाइएको छ ।
