१९ असार काठमाडौँ । गण्डकी प्रदेशको मनाङ जिल्लामा रहेको तिमाङ खोलाबाट आएको बाढीले पक्की पुल बगाएको छ । मंगलबार साँझ परेको पानीले काठेपुलसंगै पक्की पुल बगाएको हो ।
बाढीले तिमाङ खोलाको पक्की पुल बगायो । तिमाङको ठूलो छहरा र सानो छहरा गरी २ पक्की पुल निर्माण गरिएको थियो ।मंगलबार दिउँसोदेखि परेको अविरल वर्ष र त्यसपछिको बाढीले सुरुमा माथिल्लो क्षेत्रस्थित काठेपुल बगाएको र राति पक्की पुल बगाएको मनाङका सहायक प्रमुख जिल्ला अधिकारी युवराज अर्यालले बताए ।
जिल्ला समन्वय समिति मनाङका प्रमुख चिनबहादुर घलेका अनुसार बाढीले पुल बगाउनुका साथै ढुंगामुढा सडकमा थुप्रिएको छ । सदरमुकाम चामेसहित माथिल्लो मनाङ क्षेत्रका लागि तल्लो क्षेत्रसँग सडक सम्पर्क टुटेको उनले बताए ।
ठूलो छहरामा स्ल्याब कल्भर्ट पुल १९ लाख ९४ हजार ३ सय ७२ रुपैयाँ र सानो छहरामा स्ल्याव कल्भर्ट पुल ११ लाख ८५ हजार ५ सय ३९ रुपैयाँ ५१ पैसा लगानीमा निर्माण गरिएको थियो ।
