१९ असार काठमाडौँ । सिन्धुपाल्चोकमा जुवातास खेलिरहेको अवस्थामा ६ जनालाई प्रहरीले पक्राउ गरेको छ । प्रहरीले बलेफी गाउँपालिका वडा न ७ खाडिचौर बस्ने ४८ वर्षीय पिटर श्रेष्ठको घरमा जुवातास खेलिरहेको भने गोप्य सूचनाको आधारमा प्रहरीले अनुसन्धान गर्दै जादा उक्त ठाउँमा फेला परेको हो ।
यस घटनामा पक्राउ पर्ने सोही गाउँपालिका वडा न ५ बस्ने ३७ वर्षीय दावा तामाङ समेत ६ जनालाई मंगलबार दिउँसो प्रहरीले पक्राउ गरेको छ ।
उनीहरुलाई इलाका प्रहरी कार्यालय बाह्रबिसे र प्रहरी चौकी लामोसाँघुबाट संयुक्त रूपमा खटिएको प्रहरीले खेलेको ठाउँमा नगद १ लाख १ हजार ७ सय ९५ रूपैयाँ र ५ बुक तास सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
