२३ असार काठमाडौँ । आज सुनको मूल्य हालसम्मकै उच्च विन्दुमा पुगेर कारोवार भएको छ । नेपाल सुनचाँदी व्यवसायी संघका अनुसार छापावाल सुनको मूल्य १ लाख ४५ हजार ४०० रुपैयाँ र तेजाबी सुन भने तोलाको १ लाख ४४ हजार ७०० रुपैयाँमा कारोबार भइरहेको छ।
शुक्रबार प्रतितोला १ लाख ४४ हजार ४०० रुपैयाँमा कारोबार भएको छापावाल सुनको मूल्यले यस दिन एक हजार रुपैयाँ बढेर नयाँ रेर्कड बनेको हो । आज सुन प्रतितोला एक हजार रुपैयाँ बढेर नयाँ उचाईमा पुगेको हो।
आज चाँदीको मूल्यले पनि बढेको छ । चाँदी १ हजार ८९० रुपैयाँमा पुगेको छ। चाँदी २० रुपैयाँ बढेर खरिद बिक्रि भएको हो । गत शुक्रबार चाँदी तोलाको १ हजार ८७० रुपैयाँमा कारोबार भएको थियो।
