२४ असार काठमाडौँ । अब काठमाडौँ उपत्यका अपराध अनुसन्धानको कार्यालय टेकुबाट सञ्चालन हुने भएको छ । टेकुस्थित नेपाल आयल निगमको भवनबाट सोमबारदेखि काम सुरु गरिने गरि उद्वघाटन गरिएको अनुसन्धान कार्यालयका एसपी काजीकुमार आचार्यले जनाउनु भयो ।
अहिले सञ्चालन गर्ने लागिएको भवनमा यो भन्दा अगाडी जिल्ला प्रहरी परिसर काठमाडौँ बसेको थियो ।जिल्ला प्रहरीको आफ्नै नयाँ भवन काठमाडौँ भद्रकालीमा सरेको छ । उपत्यका अपराध अनुसन्धान कार्यालय यसअघि मिनभवनमा थियो । टेकुमा परिसरमा अनुसन्धान कार्यालयको अत्याधुनिक भवन बनिरहेको छ ।
२०७२ को भूकम्पपछि अपराध अनुसन्धान कार्यालयले हनुमान ढोकाबाट टेकु हुँदै मिनभवनबाट अनुसन्धान गर्दै आएको थियो ।
