२६ असार काठमाडौँ । जर्मनीमा जारी युरो कप २०२४ फुटबल प्रतियोगितामा स्पेन फाइनल प्रवेश गरेको छ । मंगलबार मध्यराति भएको पहिलो सेमिफाइनल खेलमा स्पेनले युरो कपको दावेदार टिम फ्रान्सलाई २–१ ले पराजित गर्दै फाइनल प्रवेश गरेको हो ।
यस खेलमा स्पेन फाइनल प्रवेश गर्ने पहिलो टिम बनेको हो । उपाधि दाबेदार दुई टोली सेमिफाइनलमैभेट हुदा स्पेनले फ्रान्सलाई निर्धारित ९० मिनेटभित्र २–१ गोलको अन्तरले जित निकाल्दै उपाधि नजिक पुग्नको छ । स्पेनले सुरुदेखि नै उत्कृष्ट देखाउदै गएकोले आज पनि आफ्नो स्तरीय प्रदर्शन देखाउन सफल भएको थियो ।
रोमाञ्चक र आक्रामक खेलमा फ्रान्सले खेलमा पहिला अग्रता लिए पनि त्यसपछि स्पेनले मात्रै ३ मिनेटको बीचमा २ गोल गरेपछि खेलको कहानी उल्टीउको हो । स्पेनले १ गोलको बदलामा २ गोल गरेपछि फ्रान्स बाँकी समयभरि नै खेलमा फर्किन सकेन भने, स्पेन उपाधिको नजिक पुगेको छ । फ्रान्स भने युरो कपको सपना सेमिफाइनलमै समाप्त भएको छ ।
