६ कात्तिक काठमाडौँ । आज नेपाली बजारमा सुनको मूल्यले नयाँ रेकर्ड बन्दै खरिद बिक्रि भएको छ । नेपाल सुन चाँदी व्यवसायी महसंघका अनुसार आज छापावाला सुन प्रतितोला एक लाख ६५ हजार ९०० रुपैयाँमा कारोबार भइरहेको छ ।
यस दिन सुनको मूल्य प्रतितोला ३०० रुपैयाँ बढेर नयाँ रेकर्ड बनाएको हो । सोमबारको बजारमा छापावाला सुन प्रतितोला एक लाख ६५ हजार ६०० रुपैयाँमा कारोबार भएको थियो ।
मंगलबार चाँदी प्रतितोला दुई हजार ९५ रुपैयाँमा खरिदबिक्री भइरहेको छ ।हिजो भन्दा आज चाँदी प्रतितोला ५ रुपैयाँले बढेको छ । सोमबार चाँदी प्रतितोला दुई हजार ९० रुपैयाँमा खरिदबिक्री भएको थियो ।
