१२ कात्तिक काठमाडौँ । गोरखाको सहिदलखन गाउँपालिकामा चौँथो राष्ट्रपति रनिङ शिल्ड प्रतियोगिता हिजो देखि सुरु भएको छ । सहिदलखन गाउँपालिकाको आयोजना तथा हिमालय मावि र भगवती हिमालय माविको सहआयोजनामा मावि स्तरीय रनिङ शिल्ड प्रतियोगिता सुरु भएको हो ।
यस प्रतियोगिता कात्तिक ११ गतेबाट कात्तिक १३ गते सम्म संचालन हुने गाउँपालिका शिक्षा शाखा प्रमुख राजेन्द्र खनालले बताए । प्रतियोगिताको उद्घाटनको पहिलो दिन दश खेलहरु सम्पन्न भएका छन् । हिजो भएको पहिलो दिनको प्रतियोगितामा १५००, १००० र ८०० मिटरको दौड, सर्टपुट, हाइ जम्प लङ जम्प र पुरुषतर्फको भलिवल प्रतियोगिता सम्पन्न भएको पालिकाले जनाएको छ ।
प्रतियोगितामा पालिका भित्रका ११ वटा माध्यमिक विद्यालयहरुको सहभागिता रहेका छन् । उक्त प्रतियोगिता गाउँपालिका अध्यक्ष रमेशबाबु थापा मगरको अध्यक्षतामा भएको उद्घाटना कार्यक्रममा कार्यपालिका सदस्यहरु, पालिका कर्मचारी, विद्यार्थी, शिक्षक एवं विभिन्न राजनितीक दलका नेता र स्थनिया अभिभावकहरुको बक्लो उपस्थिति थियो ।
