१३ कात्तिक काठमाडौँ । गोरखाको अजिरकोट गाउँपालिकामा चौँथो राष्ट्रपति रनिङ शिल्ड प्रतियोगिता सामबार देखि सुरु भएको छ । यस प्रतियोगिता पालिकाको आयोजनामा सोमबारबाट बुधबारसम्म संचालन हुने भएको हो ।
उक्त प्रतियोगितामा पालिकाका ९ माध्यमिक विद्यालयहरुले सहभागिता रहेको पालिकाका शिक्षा शाखा प्रमुख सिताराम पन्तले बताए । पालिकाले यस प्रतियोगिताको खेलमा प्रथम, दोस्रो र तेस्रो हुनेहरुलाई नगद पुरस्कार सहित प्रमाणपत्रको व्यवस्था गरेको छ ।
प्रतियोगिताबाट छनौट भएका खेलाडीहरुले जिल्लास्तरीय रनिङ शिल्ड प्रतियोगितामा भाग लिने छन् ।अजिरकोट गाउँपालिका वडा नं ३ का अध्यक्ष वावुराम अधिकारीको अध्यक्षता तथा पालिका अध्यक्ष दिपक देवकोटाको प्रमुख आतिथ्यतामा भएको उद्घाटन कार्यक्रममा पालिकाका कर्मचारी, विद्यार्थी, शिक्षक एवं अभिभावकहरुको बक्लो उपस्थिति थियो ।
