१३ कात्तिक काठमाडौँ । आज मंगलबार, सुनको मूल्य ऐतिहासिक उचाईमा पुगेर कारोवार भएको छ । नेपाल सुन चाँदी व्यवसायी महासंघका अनुसार यसदिन छापावाला सुन प्रतितोला एक लाख ६८ हजार ५०० रुपैयाँमा कारोबार भइरहेको छ ।
सुनको मूल्य प्रतितोला एक हजार ५०० रुपैयाँले बढेको हो । उक्त मूल्य नै हालसम्मकै उच्च हो । सोमबार छापावाला सुन प्रतितोला एक लाख ६७ हजार रुपैयाँमा कारोबार भएको थियो ।
यस दिन चाँदीको मूल्य ४० रुपैयाँले बढेको छ । मंगलबार बजारमा चाँदी प्रतितोला दुई हजार १०५ रुपैयाँमा खरिदबिक्री भइरहेको छ । सोमबारको बजारमा चाँदी प्रतितोला दुई हजार ६५ रुपैयाँमा खरिदबिक्री भएको थियो ।
