१४ कात्तिक काठमाडौँ । साफ महिला च्याम्पियनशिपको फाइनल खेल आज हुने भएको छ। उपाधिका लागि नेपाल र बाङ्ग्लादेशबीच दशरथ रंगशालामा आज साँझ ६स्३० बजे खेल हुने छ।यसअघि नेपाल र बंगलादेशबीच १२ खेल भएका छन् ।
जसमध्ये ६ खेल नेपाल र १ खेल बंगलादेशले जितेका छन् भने ५ खेल बराबरी भएको छ ।यसैबिच अखिल नेपाल फुटबल संघ एन्फाले एन्फा कम्पेल्क्स सातदोबाटो, भद्रकाली आर्मी गेट र जावलाखेल मैदानमा टिकट बिक्री सुरु गरेको छ ।
साधारणतर्फ ११ हजार र भिआइपी १ हजार मात्र टिकट बिक्री गरिने एन्फाले जनाएको छ । साधारणतर्फ ५ सय र भिआइपी १ हजार रुपैयाँ टिकट दर तोकिएको छ।
