१४ कात्तिक काठमाडौँ । साफ च्याम्पियनसिप २०२४ को नेपाल बंगलादेशबीचको फाइनल खेलका लागि ६ वटा स्थानमा पार्किङ तोकिएको छ।
काठमाडौं उपत्यका ट्राफिक प्रहरी कार्यालयले ट्राफिक व्यवस्थापनका लागि ६ वटा स्थानमा पार्किङ स्थाल तोकेको हो। खेलकुद परिषदको पार्किङ, आँखा अस्पताल, आर्मी हेडक्वार्टर अगाडि, त्रिपुरेश्वरको विश्व निकेतन स्कुल पछाडि करिडोर र कुपण्डोल क्षेत्र तोकिएको छ।
करिडोर क्षेत्रमा दुई पांग्रे र चार पांग्रे सवारीसाधन राख्न सकिनेछ।काठमाडौंको भ्यूटावर पुरानो बसपार्कमा पनि दुई पांग्रे र चार पांग्रे राख्न सकिनेछ। धरहरामा पनि दुई पांग्रे सवारीसाधन पार्किङ गर्न सकिन्छ।
उक्त खेल साढे ६ बजे बाट दशरथ रङ्गशाला सुरु हुने छ । दर्शकहरुको सवारी साधानको सुरक्षाको लागि पार्किङ स्थाल तोकिएको हो ।
