२२ कात्तिक काठमाडौँ । नेपालका राष्ट्रपति रामचन्द्र पौडेलले अमेरिकाको नवनिर्वाचित राष्ट्रपति डोनाल्ड ट्रम्पलाई बधाई दिएका छन्।
राष्ट्रपति पौडेलले आज सामाजिक सञ्जाल एक्समार्फत ४७औं राष्ट्रपतिमा निर्वाचित भएका ट्रम्पलाई बधाई दिएका हुन् ।
संयुक्त राज्य अमेरिकामा दोस्रो पुन राष्ट्रपति पदमा निर्वाचित हुनु भएकोमा कार्यकालको सफलताको कामना गरेका छन् ।
उनले राष्ट्रपति ट्रम्पको कार्यकालमा नेपाल र संयुक्त राज्य अमेरिकाको सम्बन्ध अझ सुदृढ हुने विश्वास व्यक्त गरेका छन्।
