२३ कात्तिक काठमाडौँ ।नारायणघाट मुग्लिन सडकखण्ड अन्तर्गत चितवनको भरतपुर महानगरपालिका-२९ सत्र किलोमा भएको दुर्घटनामा मृत्यु भएका पाँचै जनाको खुलेएको छ । शुक्रबार बिहान ३ बजे नारायणगढतर्फ जाँदै गरेको ०६-००१ ज ०२९८ नम्बरको माइक्रो र मुग्लिङ जाँदै गरेको ०३-००१ ख २८१२ नम्बरको बस ठोक्किएर दुर्घटना भएको थियो।
दुर्घटनामा परी मृत्यु हुनेमा माइक्रोमा सवार गोरखाको आरूघाट गाउँपालिका-५ मान्बु बस्ने अन्दाजी ४० र ४२ वर्षीय राजबहादुर गुरूङ, माइक्रो चालक चितवनको खैरहनी नगरपालिका-४ का ३९ वर्षीय अनोज अधिकारी छन्।
माइक्रोमा सवार भारत घर भई हाल कास्कीको पोखरा महानगरपालिका-९ बस्ने ३६ वर्षीय राजकुमार साह, नवलपरासीको विनयत्रिबेणी गा.पा.४ बगैंचा बस्ने बर्ष ३५ को सन्तोष भुसाल र ३३ वर्षीया सबिना भुसालको पनि मृत्यु भएको छ।मृतकका आफन्तहरूले अस्पताल पुगेर शव सनाखत गरेका थिए।दुर्घटनाबारे अनुसन्धान भइरहेको प्रहरीले बताए ।
