२५ कात्तिक काठमाडौँ । चीन र अमेरिकाका लागि आवासीय राजदूत पदमा प्रा. डा. कृष्णप्रसाद ओली र लोकदर्शन रेग्मी नियुक्त भएका छन् ।
आज राष्ट्रपति रामचन्द्र पौडेलले संविधानको धारा २८२ को उपधारा (१) बमोजिम नेपाल सरकार, मन्त्रिपरिषद्को सिफारिसमा प्रा. डा. कृष्णप्रसाद ओलीलाई जनवादी गणतन्त्र चीनका लागि र लोकदर्शन रेग्मीलाई संयुक्त राज्य अमेरिकाका लागि नेपालको आवासीय राजदूत पदमा नियुक्त गरेका हुन् ।
