२६ कात्तिक काठमाडौँ । चर्चित टेलिभिजन प्रस्तोता प्रकाश सुवेदीलाई ज्यान मार्ने धम्की आएको छ । केही दिन यतादेखि लगातार धम्की आएपछि सुवेदीले नेपाल प्रहरीमा समेत यसबारे उजुरी दिएका छन् ।
प्राइभेट नम्बरबाट ४–५ दिनदेखि धम्की आइरहेको पत्रकार प्रकाश सुवेदीले बताए । उनका अनुसार तलाईं मार्ने दुई करोड रुपैयाँ सुपारी लिएको छु । तेरो परिवार को–को कहाँ छ मलाई सबै थाहा छ समेत भनेको छ ।
उनले हालसम्म आफूलाई कसले ज्यान मार्ने सुपारी दियो भन्ने अवस्थामा नरहेको पनि बताए । फिल्म क्षेत्रकै साथीहरूले सुपारी दिए भन्ने मलाई लाग्दैन किनभने दुई करोडले त फिल्म नै बन्छ ।
फेरि म व्यापारी पनि होइन, मलाई मारेर केही हासिल हुँदैन । उनले आफूलाई आएको धम्बीबारे पत्ता लगाउने काम भइरहेको बताए । उनले आफूलाई धम्की दिने व्यक्तिले विनोद चौधरीको नाम लिने गरेको बताए ।
