४ मंसिर काठमाडौँ । रुकुम पश्चिममा एक महिलाले चिर्पट प्रहार गरि आफ्नै श्रीमानको हत्या गरेकी छिन्। चौरजहारी नगरपालिका वडा न २ निवासी ३२ वर्षीया दीपा कुमालले आफ्ना श्रीमान ४० वर्षीय मधु कुमालको हत्या गरेको जिल्ला प्रहरी कार्यालय रुकुमपश्चिमले जनाएको छ।
दीपाले मधुको टाउकोमा चिर्पटले हानेर हत्या गरेकी प्रहरी अनुसन्धानले बताएको हो । गएराति घरायसी विवादको कारण दीपाले चिर्पटले हानेर मधुको हत्या गरेको जिल्ला प्रहरी कार्यालय रुकुम पश्चिमले जनाएको छ ।
मृतकका छोरा खिम कुमालले घटनाको जानकारी प्रहरीलाई दिएका थिए। घटना बारे थप अनुसन्धान भई रहेको छ ।
