११ मंसिर काठमाडौँ । राष्ट्रिय स्वतन्त्र पार्टीका सभापति रवि लामिछानेलाई बयानका लागि आज पोखराबाट काठमाडौँ ल्याउने हवाई टिकट पाएको छैन् ।
उनलाई हवाई टिकटको व्यवस्था नहुँदा बयानका लागि आज पोखराबाट काठमाडौँ ल्याउने कार्य अनिश्चित भएको जिल्ला प्रहरी कार्यालय कास्कीले जनाएको छ । सभापति लामिछाने लाई आज बिहान ८ः४० बजेको बुद्ध एयरको हवाईजहाजबाट काठमाडौँ ल्याउने तयारी भए पनि टिकटका कारण रोकिएको हो ।
सहकारी ठगी आरोपमा अनुसन्धानका लागि २ कात्तिकमा काठमाडौँको पार्टी कार्यालयबाट पक्राउ गरिएको थियो । लामिछाने हाल जिल्ला प्रहरी कार्यालय कास्कीको हिरासतमा छन् ।
