१२ मंसिर काठमाडौँ । कोसी प्रदेश सरकारले नेपाल प्रिमियर लिग ९एनपीएल०को उपाधि विराटनगर किंग्सले जिते ३० लाख नगदसहित सम्मान गर्ने घोषणा गरेको छ । विराटनगर किंग्सका खेलाडीलाई मंगलबार राति बिदाइ गर्दै कोसी प्रदेशका मुख्यमन्त्री हिक्मतकुमार कार्कीले विजेता बनेमा नगद पुरस्कार दिने घोषणा गरेका हुन् ।
नेपाल क्रिकेट संघ ९क्यान०ले आयोजना गर्न लागेको एनपीएलका लागि कोसी प्रदेशबाट विराटनगर किंग्सले सहभागिता जनाउँदै छ । बिदाइ कार्यक्रममा मुख्यमन्त्री कार्कीले खेल क्षेत्रमा निजी क्षेत्रको सहभागिताले थप आकर्षण बढने र क्रिकेटबाट राष्ट्रिय अन्तर्राष्ट्रिय पहिचान बनाउन सकिने उल्लेख गरे ।
मुख्यमन्त्री कार्कीले भने,आगामी दिनमा खेलकुदको विकासका लागि थप योजनाहरू अघि सारिने बताए । विराटनगर किंग्सको मुख्य प्रशिक्षक केभिन ओ ब्रायन छन् । प्रतियोगिता कीर्तिपुरस्थित त्रिभुवन विश्वविद्यालयको खेल मैदानमा मंसिर १५ देखि पुस ६ गतेसम्म हुनेछ ।
