१६ मंसिर काडमाडौँ । पूर्वगृहमन्त्री तथा राष्ट्रिय स्वतन्त्र पार्टीका सभापति रवि लामिछानेलाई सरकारी वकिलको कार्यालयमा बयान चलि रहेको छ ।
सहकारी ठगीमा पक्राउ परेका लामिछानेलाई काठमाडौँको स्वर्णलक्ष्मी बहुउद्देश्यीय सहकारी रकम ठगीको अनुसन्धानका लागि पोखराबाट काठमाडौँ ल्याइएको थियो ।
आइतबार सरकारी वकिलको कार्यालयमा उनको बयान चलिरहेको छ । शुक्रबारदेखिनै उनको बयान सुरु गरिएको थियो ।
जिल्ला सरकारी वकिलको कार्यालयमा शुक्रबार बिहान ९ बजेदेखि दिउँसो साढे ३ बजेसम्म उनको बयान चलेको थियो ।
लामिछानेसँगै पक्राउ अनुमति जारी भएका छविलाल जोशीलाई बयान लिएर प्रहरीले पोखरा फिर्ता पठाइसकेको छ । बयान दिरहेका लामिछानेको बयान आज सकियो भने आजै पोखरा लैजाने तयारी गरिने छ ।
