१७ मंसिर काठटमाडौँ । गोरखाको उपनिर्वाचनमा गोरखा नगरपालिका वडा न ५ बाट वडाध्यक्षमा माओवादी केन्द्रका बिष्णुबहादुर राना मगर ८४ मतको अग्रतासहित बिजयी भएका छन् ।
विजयी रानाले जम्मा ४८६ मत ल्याएका थिए । उनी संग प्रतिस्पर्धी नेपाली कांग्रेसका भाइकाजी आले ४०२ मत ल्याएका थिए । नेकपा एमालेकी उम्मेदवार दुर्गा माया रानाले ३४५ मत र राष्ट्रिय स्वतन्त्र पार्टीका उम्मेदवार मंगलबहादुर थापाले ८२ मत प्राप्त गरेका छन् ।
राष्ट्रिय प्रजातन्त्र पार्टीकी कल्पना रानाले १२ मत, नेपाल समाजवादी पार्टीका रुपेश मग्रातीले १०, मंगोल नेशनल अर्गनाइजेसनकी भवानी थापा मगरले ९, राष्ट्रिय प्रजातन्त्र पार्टी नेपालका रुप सिं रानाले ५ र नेशनल रिपब्लिक नेपालकी सविना तामाङले ४ मत ल्याएकी छन् ।
कुल २ हजार २२५ मतदाता रहेको उक्त वडामा १ हजार ३७३ मत खसेको थियो । जसमध्ये १८ मत बदर भएको जिल्ला निर्वाचन कार्यालयले जनाएको छ । २०७४ सालको स्थानीय तह निर्वाचनमा उक्त वडा कांग्रेसले जितेको थियो ।
